Qui dedit presso populo salutem,
Laude ter sanctum Dominum colamus
Semper, ut tantae meritis patronae
Gallia vivat.
Ni a gan ho meuleudi, Otrou ter gwech
santel, c’houi hag a zalvas ho pobl a oa
o vont da goll ; dre veritou eun hevelep
Patronez, ra vevo Bro-C’hall da virviken.
ann d’Arc a deuas er bed en Domremy, demdost da Vaukouleur, d’ar 6 a viz genver 1412, a dud a fe hag a vue vat. ’N em gustumi reas abred diouz pep seurt labour, zoken diouz labouriou ar park. Ne oueze na lenn na skrivan. He mamm a zeskas d’ezi ar Bater, an Ave Maria hag ar Gredo.
Karet a rê an Otrou Doue, an Itron-Varia, son ar c’hleier, abalamour ma c’halvent an dud d’an iliz, ar beorien, ha meur a wech e roë he gwele d’an dremenidi hag e chome da gousket en korn an oaled. Kovez ha kommunian a rê alies ; kanan ha c’hoari gant bugale e oad.
Da drizek vla, sant Mikêl, santez Katel ha santez Mac’harit a lavaras d’ezi bezan fur hag aketus da vont d’an iliz. An èl a, roë d’ezi da c’houzout ar reuz a oa en rouantelez Frans.
Da seitek vla, ar moueziou a c’hourc’hemennas d’ezi mont, hep dale ken, da gaout Robert Baudricourt, kabiten Vaukouleur, da c’houlenn digantan he c’has davet ar roue Charlez VII a oa o chom en Chinon.
Senti a reas.
Baudricourt, goude bezan enebet outi eur pennad, a reas ’vel m’he doa c’hoant, hag ar vrezellourez yaouank, dilhad gwaz ganti, a ’n em lakas en hent, war eur marc’h prenet d’ezi gant Vaukouleuriz, c’houec’h den armet ouz he heul.
En em gavet en Chinon, ec’h anavezas ar roue, daoust n’he devoa e welet biskoaz, hag e roas da c’houzout d’ezan
- ↑ Ar gouel-man a ve grêt en Iliz d’ar zul war-lerc’h ar Yaou-Bask. Er bla 1910 eo bet grêt ar c’hentan, hag ar zul war-lerc’h ar Yaou-Bask a zigouezas neuze d’an 8 a viz mae.
