Adlennet eo bet ar bajenn-mañ
— 230 —
GOUEL AR GALOUN ZAKR
(Sant Iann, Chab. xix.)
————
Neuze, o veza m’edo ar guener, evit
na jomje ket ar c’horfou er groaz enn
deiz varlerc’h (rak hennez a ioa santel
dreist ar zadorniou all), ar Iuzevien a
c’houlennaz ouz Pilat ma vije torret ho
divesker d’ezho ha ma vijent kaset kuit.
Dont a reaz eta soudarded hag a dorraz
divesker ar c’henta hag ann eil a ioa
bet staget er groaz ganthan. Pa ziguesjont
gant Jezuz avad, o velet oa dija
maro, ne dorjont ket he zivesker ; mes,
gant he gleze, unan euz ar zoudardet a
zigoraz he gostez, hag ac’hano raktal e
tiredaz goad ha dour. Ann hini a velaz
eo a ro testeni a gement-ze, hag ar pez
a lavar a zo guir.