Pajenn:Milin - Marvaillou Grac h-koz.djvu/45

Eus Wikimammenn
Sauter à la navigation Sauter à la recherche
Gwiriekaet eo bet ar bajenn-mañ
28
MARVAILLOU GRAC'H-KOZ

— « Pep bloaz ? E feiz a-vad, aotrou, n’ounn ket boaz
» Da niveri ’vel-se, rak ne ket ann doare
      » Ma’z a ar stal gan-en.
» Tre pep deiz euz distag ; ann eil denn d’egile,
» A-walc’h eo, enn distro, digas pep bloaz d’ar gear. »
— « Mad ! mad ! lavarit d’in, tost da vad er c’hiz-ze,
» Pe c’hobr ho peuz bemdez a-raok ma par al loar ? »
— « Gweach kalz ha gweach nebeud ; ar pez zo a ra gaou
» (Hag anez hor gounid ne ve ket re zister)
» Ann dra-ze, ar gwasa, eo war dri deiz vez daou,
» E ranker beza vak : e gweliou ’z a ’nn amzer.
      » Ann eil vez gwaz euz egile,
         » Eme ’r c’here,
      » Ha bemdez ann aotrou person
» Zigor d’eur zant-bennag dor ann env enn he bron. »
Ar mondian o c’hoarzin lavar d’ar c’hereour :
— « Hirio me a fell d’in ne vec’h ket mui ker paour,
      » Setu aze kant skoed !
» Gorroit-ho er-vad m’ho c’havoc’h, pa vo red. »
Paotr ar skleuk gav d’ez-han gwelet ann holl arc’hant
A voa bet, e peb oad, dastumet kant war gant.
Distrei a ra d’ar gear da guzet buan ha doun
Enn he gav he gregign zo krog enn he galoun.
Brema grik ! Ar c’here zo eat he gan e-biou,
Abaoe m’eo perc’hen da dad ann holl boaniou.