Pajenn:Milin - Marvaillou Grac h-koz.djvu/158

Eus Wikimammenn
Adlennet eo bet ar bajenn-mañ
141
MARVAILLOU GRAC'H-KOZ


Ar wirionez d’en em fuilla
A red da di al lezenner.
E-leac’h avel, lakait boeden
E penn ar re ra c’hoariellou,
Ha grit ive, dioc’h pep lezen,
Trouc’ha struj ha frezillonnou,
Evit ma teuio ar furnez
Diginklet kaer, kaer da bara,
Ha, dreist pep tra, ar wirionez
A dle beza ann heol sklera.


AR C’HREK VEUZET


D’ANN AOTROU J.-P.-M. AR SKOUR


Tud zo hag a lavar : — « Ne d-eo netra e-bed,
      » Eur c’hrek zo o veuzi. »
      Hag eur c’hrek zo eur c’hi !
      Oc’h eur c’hi ve truez.
      Ha ne dalv ar gragez
A zo tener ha mad, zo ho buez karet,