Hunc cœlum, terra, hunc mare, Hunc omne quod in eis est, Auctorem adventûs tui Laudans exsultat cantico.
Nos quoque qui sancto tuo Redempti sanguine sumus, Ob diem natalis tui Hymnum novum concinimus.
Gloria tibi, Domine, Qui natus es de Virgine, Cum Patre et Sancto Spiritu In sempiterna sæcula. Amen.
Gousperou ar zul, p. 496.
Hostis, Herodes impie, Christum venire quid times ? Non eripit mortalia, Qui regnat dat cœlestia.
Ibant Magi quam viderant Stellam sequentes præviam ; Lumen requirunt lumine, Deum fatentur munere.
Lavacra puri gurgitis Cœlestis Agnus attigit ; Peccata quæ non detulit, Nos abluendo sustulit.
Novum genus potentiæ ! Aquæ rubescunt hydriæ, Vinumque jussa fundere Mutavit unda originem.
Gloria tibi, Domine, Qui apparuisti hodiè, Cum Patre et Sancto Spiritu, In sempiterna sæcula. Amen.
