Requiem æternam dona eis, Domine : et lux perpetua luceat eis. Venite, adoremus.
Regem cui, etc.
Ant. Dirige, Domine, Deus meus, in conspectu tuo viam meam.
Verba mea auribus percipe, Domine : intellige clamorem meum.
Intende voci orationis meæ : rex meus et Deus meus.
Quoniàm ad te orabo, Domine : manè exaudies vocem meam.
Manè astabo tibi, et videbo : quoniàm non Deus volens iniquitatem tu es.
Neque habitabit juxta te malignus : neque permanebunt injusti ante oculos tuos.
Odisti omnes qui operantur iniquitatem : perdes omnes qui loquuntur mendacium.
Virum sanguinum et dolosum abominabitur Dominus : ego autem in multitudine misericordiæ tuæ.
Introibo in domum tuam : adorabo ad templum sanctum tuum in timore tuo.
Domine, deduc me in justitia tua : propter inimicos meos dirige in conspectu tuo viam meam.
Quoniàm non est in ore eorum veritas : cor eorum vanum est.
Sepulcrum patens est guttur eorum, linguis suis dolosè agebant: judica illos, Deus.
Decidant à cogitationibus suis, secundùm mul-
