Pajenn:Lechvien - Ti ar paour, 1898.djvu/2

Eus Wikimammenn
Adlennet eo bet ar bajenn-mañ



Paour kez, ’barz da lojen dister,
Mar mirez da galon zeder,
Da ine glan ha didamall,
Ha da spered pell euz ar fall,
Te a gavo war an douar
Evel eun tanva deuz ar gloar
A zo mired e-barz an Ne
Da holl zervijerien Doue.

Mar geo dister da diegez,
Me ’well uz d’az penn eur palez
Savet evid-oud en Nenvou.
Eno, ’mesk an eledigou,
Ar zent holl hag ar zentezed,
Ar verzerien, ar gwerc’hezed,
Na venko d’id biken netra,
Ha te ’gano e-lec’h gouela.

E miz Du 1898.
An Tremener.