Adlennet eo bet ar bajenn-mañ
KANTIKOU EN ENOR D’AN ELET
————
N° 74. — Petra ra an Elet evidomp.
1. Piv a laro, kristenien, pegouls eo bet krouet,
Gant Doue Ol-c’halloudek au Ele beniget ?
Arog ar mor ; an douar, an astrou lugernus,
E kanent o meulodi D’an Dreindet glorius
Diskan.
Elet Doue, Elet eürus.
Disket d’imp serviji Jezus :
Veldoc’h ezomp e vugale,
An Env a zo hon bro ive.
2. Gwelet o deuz an douar o kemer e dachen,
An heol o skuill warnezan e gentan sklerijen ;
Dirag he e tibabaz Doue ar pri melen.
A benini e temzaz memprou ar c’hentan den.
3. Skrijet o deuz pa gouezaz Adam en e bec’het,
Ha pa redaz goad Abel gant dorn e vreur lazet,
Pa glevjont o tidarzan ar gurunou spontuz,
Hag an diluj o tiruill war ben an dud kabluz.
