Jezus breman a bleg e ben
Tremen a ra... Prenet an den !
8. Eur c’hleze lem a zo êt don
En e goste bete ’r galon,
Evit lakat da ziveran.
Eur berad goad, an divezan
9. Ma Jezus, arog ma ’z in kuit
Me a fel d’in pokan d’ho treid,
Me a stardo ma muzeliou,
Ouz ar c’hoat zakr, ouz an tachou.
10. Hirie, warc’hoaz, hed ma bue,
Me vevo en ho karante ;
Mar ’m euz kalon, piou a garfen.
Nemet Jezus, Jezus hepken ?
(Kantikou Kemper ha Leon).
Diskan.
Enor d’ar Groaz, zin ar c’hristen,
Ha da Jesus Krist hon Roue !
Heuillomp ar Groaz e pep tachen,
E-neb d’an diaoul, evit Doue !
1. Gwejal ar baïanet paour a dec’he pa gavent
Eur groaz benag en he zav dirak-he war o hent :
Outi ar bourrev hepken a doste, a hers kaer,
Pa vije red dioadan eur muntrer pe eul laer.
