Adlennet eo bet ar bajenn-mañ
— 21 —
Hag en eur lavaret ze, e tôlas diwar e dro dilhad an ermit.
— Saperbie ! ’me ar roue, paket on, ’vat !
⁂
Goude eur pennad, e lavaras, droug ennan :
— Me da dapo ive ! Varc’hoaz e renki digas d’in eul lizer ha n’hallo den e lenn nemedout. Arabad dont war droad, na kennebeut war varc’h ; arabad dont dre an hent nag a-dreuz parkou. Ha dont varc’hoaz, pe da lêr a baeo !
— Mad, eme ar paour kez ; kenavo varc’hoaz. otrou roue.
⁂
An de warlerc’h, ec’h eas d’ar palez kerkent hag an de.
— Saperbie ! eme ar roue, penôs out deut ? War droad pe war varc’h ?
— Nan, emean, war eun azen.
— Ah ! Dre an hent out deut pe dre ar parkou ?
— Nan, dre doufle an hent bras.
— Ah ! kaeroc’h, avat ! Ha da lizer, pelec’h eman ?
