Propter domum Domini Dei nostri quæsivi bona tibi. Gloria Patri.
isi Dominus ædificaverit domum : in vanum
laboraverunt qui ædificant eam.
Nisi Dominus custodierit civitatem : frustra vigilat qui custodit eam.
Vanum est vobis ante lucem surgere : surgite postquam sederitis, qui manducatis panem doloris.
Cum dederit dilectis suis somnum : ecce hæreditas Domini, filii merces, fructus ventris.
Sicut sagittæ in manu potentis : ita filii excussorum.
Beatus vir qui implevit desiderium suum ex ipsis : non confundetur cum loquetur inimicis suis in portâ. Gloria Patri, etc.
auda, Jerusalem, Dominum : lauda Deum
tuum, Sion :
Quoniam confortavit seras portarum tuarum : benedixit filiis tuis in te.
Qui posuit fines tuos pacem : et adipe frumenti satiat te.
Qui emittit eloquium suum terræ : velociter currit sermo ejus.
Qui dat nivem sicut lanam : nebulam sicut cinerem spargit.
Mittit crystallum suam sicut buccellas : ante faciem frigoris ejus qui sustinebit ?
Emittet verbum suum, et liquefaciet ea : flabit spiritus ejus, et fluent aquæ.
Qui annuntiat verbum suum Jacob : justitias et judicia sua Israël.
Non fecit taliter omni nationi : et judicia sua non manifestavit eis. Gloria Patri, etc.
