Pajenn:Heuriou brezonnec ha latin.djvu/688

668

Gousperou Sant Tudual.

Hymnus. INgratum citiùs rumpe silentium, Trecor, rumpe moras ; dic, age, debita Tugali meritis carmina, dic sacrum Tanto pontifici melos. Is natale solum, sanguinis immemor, Spectatæque domûs commoda respuens, Ductu nostra Dei transilit æquora , Nil quidquam veritus mali. Ut venit, segetem nactus idoneam Verbi falce petit, damnaque summovens Invisi lolii, condit in horreum Fruges impiger optimas. Urbis Lexobii, Præsul ab omnibus Designatus, onus suspicit et pavet, Tollendoque sibi visus inutilis, Venit defugiens solum. Orbi porrò gregis tristibus excita Lamentis pietas cedere perpulit,

Aaronisque mo[d]o [1] sumere deditam Fronti cœlitùs infulam, Summæ sit Triadi summa potentia, Soli cedat honos, veraque gloria : Parcat supplicibus, votaque cætera Æquos ducat ad exitus. Amen. </poem> V/. Ora pro nobis, sancte Tudualde : R/. Ut digni efficiamur promissionibus Christi. D’ar Magn. Ant. Eccè consummato cursu, gloriosus pontifex Tudualdus migrat ad Dominum : eccè rationem reddit villicationis ; et quia fidelis invenitur, super omnia bona Domini constituitur, alleluia. Oremus. DEus, qui super Ecclesiæ tuæ candelabrum beatum pontificem Tudualdum collocâsti : da ut, rectum iter, quod illius luminis beneficio internoscimus, ingredientes et constanter terentes, ad cœlestem Jerusalem, cujus lucerna est Agnus, pervenire valeamus. Per.

1. Moullet : moo.