Pajenn:Heuriou brezonnec ha latin.djvu/129

Eus Wikimammenn
Sauter à la navigation Sauter à la recherche
Adlennet eo bet ar bajenn-mañ
109
Exerciçou evit an Oferen.

Unan an deziou-mâ ivez. Am.

 

Va Jesus, hoc’h eus rejouisset
Hô Mam quer hac hoc’h ebestel,
Pa’z oc’h bet dezo apparisset
Gant ur gloar vras hac imortel;
Pa n’allan er vuez-mâ ho quelet,
Roït d’in an eur, me ho supli,
Gant ho sænt hsec ho Mam benniguet ,
Er vuez all d’ho contempli. Am.

Pa zistro ar belec ouz an assistantet, o lavaret Dominus vobiscum, Jesus a so apparisset d’he zisquibien o lavaret dezo ive : ar peoc’h ra vezo gueneoc’h.

O va Jesus, ho poe’r vadelez
Da chom da rei instruction
D’ho tisquibien epad daouguent dez
Goude ho ressurection ,
Plijet gueneoc’h ato va c’helen,
Ma rin bepret ho volontez,
Hep terri jamæs nep gourc’hemen
Eus ho lesen a garantez. Amen.

Pa zeu ar belec d’ar c’hollectou d’an oræsonou diveza, Jesus a chom gant he zisquibien e spaç a zaouguent dez, goude ma voa ressuscitet, evit ho instrui.

O va Jesus, a so bet pignet
Gant gloar na triomph bras en eê
Dirac ho tisquibien benniguet,
Grit m’az aïmp-ni d’ho c’heul ive ,
Ha ma raïmp hon oll antretien
Gueneoc’h ha gant ho sænt eno,
O tisprisout [a]n [1] traou terrien ,
Pa na de hou-mâ ê hor bro. Am.

Pa zistro ar belec da lavaret Ite, Missa est, Jesus, goude beza lavaret d’he zis-quibien, iit da brezec an Aviel dre’r bed, a bignas en ho fresanç en eê.

Va Jesus, hoc’h eus bet digacet
Ar Speret-Glan d’ho tisquibien,
Pa edont assambles unisset
O perseveri d’he c’houlen ;
Grit ma teui gant he seiz doneson
D’ober em ene he zemeuranç,
Evit ma roi d’in en oræson
Hac er mad ar berseveranç. Amen.

Pa ro ar belec ar venediction en fin an oferen, Jesus a zigaç ar Speret Santel d’he zisquibien.

  1. Moullet : en.