|
————
|
An Aotrou Rolland a oa persoun e Trebrivan. Pa deuas ar Revolusion e zeas da guzat da di unan eus he vignonet.
D’ar mare-ze, eun den yaouank deus Kerahes (Caraës) a c’houlennas da zimezi, Marie Calvez, nizes da eur belec hag a oa nevez maro,
Ia, eme houma : me ne c’houlennan ket guell. Mæs hon eured, avad, a rank beza benniget gant eur belec mad.
Ar plac’h yaouank a anaveze an Aotrou Rolland. Cure oa bet gant eun eontr d’ezhi. Gouzout a rea e peleac’h oa cuzet. Kemen a reas eta dezhan dont d’he zi, evit he eureuji.
An den yaouank, epad an amzer-ze, a ioa eat betec archerien Kerahes, evit dibuna he histor. — « Loskit ar belec-ze, a lavaras dezho, da eureuji ac’hanomp. Pa na veffe-ze, ar plac’h yaouank ne vo ket va fried. Mæs goude ’vad, destumit anezhan. »
Great oa deus he c’hoant. An Aotrou Rolland oa croget ennhan var dreujou ti ar plac’h yaouank oa o paouez eureuji.
