Pajenn:De Carne Ar c'hoz vedisin, 1921.djvu/29

Eus Wikimammenn
Sauter à la navigation Sauter à la recherche
Adlennet eo bet ar bajenn-mañ
— 29 —
Alban

Ia vat ; eun taol kaer ho peus great. Mar doa hounnez hanter varo, breman eo maro mik. Ema o paouez mervel.

Krenn

Gand eur c’hofad iod gwiniz du en deus freuzet neat he bouzellou paour.

Alban

Ha c’houi eo hoc’h eus roet d’ezi ar bodezad iod se ma ’z oa enni peadra da vaga tri vansouner krenv da neubeuta.

Lannig

Ne ket dre beg eo he deus debret, mes dre gaer.

Krenn, droug ennan.

Na jomomp ket da varc’hata. Ni eo an daou wir vedisin er vro. Gaou hoc’h eus great ouzomp oc’h ober ar vicher a vedisin hep gwir ebet.

Alban, droug ennan.

O lakaat an dud, daoust d’eomp, da veza iac’h, da veza klanv, da veva, da vervel, hep na vijec’h medisin an distera.

Lannig, droug ennan.

Ra gouezo ar gurun warnoc’h, medisined an tonnerr ! Evit an eil weach, e lavaran d’eoc'h oun bet lekeat hirio da vedisin gant an aotrou mear.

Alban

Evit mat ?

Lannig, a vouez krenv.

Ia !