Digas reont da sonj din-me
Eus an amzeriou…
Ma Zadou a douge ive
Gwechall ar botou ;
Neuze war veneou ha roz
Int a gane bemde, bemnoz :
O kaerât,
Kaerât eô hon botou koat !
A viskoaz ebarz Breiz-Izel,
An dud a vicher :
Duked, Barzed, tud a vrezel
Beleg ha Fanch-Kouer,
Ac’h e gant enor da vale
’N o zreid eur botou koat bemde ;
O kaerât,
Vijent gant o botou koat !
Me ive, vel ma C’hendadou
A heuilho bepred,
En eur vale war o roudou,
Skouer ar Vretoned ;
Me a gerzo ’pad ma bue
Gant eur botou koat eveltê :
O kaerât,
Kaerât eo ma botou koat !
