Pajenn:Ar Prat - Mouez Reier Plougastell, 1905.djvu/68

Eus Wikimammenn
Mont d’ar merdeerezh Mont d’ar c’hlask
Adlennet eo bet ar bajenn-mañ
52
mouez reier plougastell


E kreiz eun tarsad sklerijen
Hag a ro d’ezho krenien.

« N’ho pezet aon, eme eun eal,
« Leac’h oc’h euz hirio da dridal ;
« E kear David ez eo ganet
« Jezuz ar Mesiaz gedet.

« Ha setu e pe seurt doare
« E kavot ar Mabik-Doue :
« En eur c’hraouik paour, gourvezet,
« He welot laouen astennet.... »

D’an ampoent e klefjont ervad :
« Peoc’h d’an dud a volontez vad ! »
Pegement ez eo dudiuz
Ar gomz-ma war gavel Jezuz !

Sammet gantho beb a oanig,
Ar bastored a gerz prestik
D’ho c’hinnig d’ar Mabik Jezuz,
A gavont er c’hraou burzuduz.

Harz treid ar bugel digouezet,
Kerkent d’an daoulin int kouezet,
Oc’h hen anaoud ’vit ho Doue,
Ho Mestr, ho Zalver, ho Roue.

Mabik Jezuz, bugelik koant
N’hellan ket d’eoc’h-hu rei arc’hant ;
Hogen, kemerit va c’halon
Renit da virviken warnhon !