Pajenn:Ar Prat - Mouez Reier Plougastell, 1905.djvu/53

Eus Wikimammenn
Mont d’ar merdeerezh Mont d’ar c’hlask
Adlennet eo bet ar bajenn-mañ
25
tristidigez ha ged vad



Setu eun nebeud bloaveziou
Ma vez great kenskrivadegou
Evit dougen ar varzed ter
Da labourat hor yez ken kaer !

Paotred yaouank euz ar gwella,
Dre gant a ranker ho c’hounta
A gas bep bloaz, e Brezounek
Gwerziou koant d’ar genskrivadek.

Hor c’halounou a laouenna
Pa velomp an dud gwizieka
O poania stard evit hor Breiz,
Dre ma wasa d’ar brezel kriz.

Ar Brezounek zo enoret,
Ha dre-oll muioc’h-mui komzet ;
Hon tadou koz, en ho beziou,
A drid brema ho c’halounou.

Ra vevo gallouduz ha pell
Kevredigez hor Breiz-Izel !
Pell hanavezet ra vezo,
Euz eur penn d’ar penn-all d’ar vro....

Nan, nan, va c’henvroiz karet,
Hor yez na vo ket diskaret,
Na varvo ket ar Brezounek
Tra vo e Breiz tud kalounek !…


————