Dalc’hit sonj mad atao ez eo ar Brezounek
Eur yez evel eun all, eun tenzor talvoudek,
Deuet a-dreuz kantvejou, roet d’eomp gand hon tadou, Vel ar c’haera euz ho madou !
————
II
BLEUN NEVEZ
——
D’am mignoun K. Gourvez.
War an douar enor, bennoz,
Peoc’h peurbaduz er baradoz,
D’ar re n’espernont ket ho foan
Evit sevel yez ar vro-man.
N’hellet ket nac’h, e Breiz-Izel,
Ar Brezounek, gand ar brezel,
A zeblante toc’hor meurbed,
Ha prest da veza sebeliet.
Setu aboue bloaveziou
Tud a galoun, a vandennou,
Diwanet e peb korn a Vreiz,
O stourm oc’h amzer ha tud kriz.
