Pajenn:Ar Prat - Mouez Reier Plougastell, 1905.djvu/46

---

---

---

---

TREDE LODEN

————

YEZ BREIZ-IZEL

————

I

AR BREZOUNEK

————

(Priz kenta e Kenskrivadek Gwengamp, 1900)

D’am Skolerien.

O Brezounek va yez, o yez meurbed karet,
Eat ken doun em c’haloun, ha ken stard em spered,
E peleac’h e kavin komzou avoalac’h c’hoek
Evit ho meuli, Brezounek !

Eur yez a zo labour tenn ha paduz eur ouenn,
0ll ho deuz kalz poaniet d’he ober da viken ;
Bez’ ez eo a eur bobl eur gwir grouidigez
Great ouz he henvelidigez.