Pajenn:Ar Prat - Mouez Reier Plougastell, 1905.djvu/110

94

mouez reier plougastell

Ac’han ma vezo teuzet ar gwennek diveza,
Ha ma vo eat e moget he dammik skiant gantha.

Mar d’eo mezuz ’vit eun den, krouet evel Doue
Disken ’n eur stad ken izel, petra laret neuze
Euz kristenien badezet a zo ker stank hirio
A en em ro d’an evach ho laz hag ho daono !

————

XV

AL LUSKELLEREZ

——

Da Vadalen Thomas.

Ton Ar Pillaouer.

Va bugelik koant, kousk aze,
Dindan askel eal Doue ; (bis).
Kloz da zaoulagadik seder,
Kousk aze, va bugel ker.

Diskan.

Va bugelik koant, kousk aze,
Dindan askel eal Doue.

Krouadurik, me ’m beuz avi
Ouz ene ’vel da hini,
Digaillar c’hoaz dioc’h ar pec’hed,
Dienkrez war draou ar bed.