84
mouez reier plougastell
|
Marteze c’houi gred d’eoc’h ez a gand an daou-all
Da eva gwin-ardant d’eun hostaliri fall ?…
Abarz distrei d’ar gear, bremaik war an dachen,
E preno madigou d’eun toullad mipien.
Gwechall n’anvezet ket etouez ar yaouankiz
An dispignou diboell, didalvoud e peb giz…
It d’al leac’h ma karfoc’h, d’ar fest, d’ar pardoniou,
Nag a arc’hant o ruill war ar c’hontouerou !
Gwechall, hon tadou koz a esperne ho zra,
Na deuzent ho madou nepred evit netra.
Ha n’eo ket eun netra ar gwin ardant hanvet,
A ra kement a zrouk d’eomp-ni oll, Bretoned ?…
|
————
XI
AN DELIOU EN DISKAR-AMZER
——
Deliou ar gwez melenet oll
A nij pa c’houez an avel foll ;
Lavaret vefe eneou
Deuet da c’houlen hor pedennou....
Nag hi oa koant n’euz ket pell c’hoaz
Oc’h ar skourrou gand ho liou glaz !
|
