Adlennet eo bet ar bajenn-mañ
PEVARE ARVEST
Doare an teatr — Eur zâl architektur. Eur nor a gleiz, diou en tu deou, ar genta anezo a zigor war eur pondale hir : an eil a gas da gamchou-all an dourel. Er penn pella, er fons, eur prenestr bras digor war eur pondale a ziaveaz (balcon) a be leac’h e weler eur ster. Eun daol en tu deou, penn araok.
————
KENTA DIVIZ
ARZUR, LIONNEL, hag, eur pennadig goude, HUBERT.
(Arzur a zo harpet ouz ar prenestr. Lionnel, azezet e
diaraok an teatr, a zalc’h digor eul leor bras war e
varlen.)
LIONNEL, o lenn evel ar vugale a zo o teski lenn
« … En amzer-ze Na… bu… ko… do… no… zor… » (o chom a zav). Pebeus hano hir hag iskis !… « Roue Babilon, o veza pec’het, a oe chenchet e loen… » (O chom a zav adarre). Bez ’ez eus kals tud ha n’o deus ket da gaout aon e tigouesfe kement-all ganto, n’eo gwir Arzur ?
