Kadarnaet eo bet ar bajenn-mañ
— 60 —
HERVE
Ouspenn ma teu an drubarderez da zikour kals re vad c’hoantegeziou disleal Yann-Dileve. Lavaret a reer en deus gounezet senechal ar Poatou, o karga d’ezan e c’hodellou a aour.
FILIP
Dre zant Denez ! Va c’henderv a gavo ennon eun difennour hag eur skor. Hen toui a ran war va c’hleze
a varc’heg !
EIL DIVIZ
An hevelep tud, eur FLOC’H.
AR FLOC’H, o saludi.
An aotrou Arzur a Vreiz-Izel, gant Lan a Zinam, e zioualler, a zo o paouez digouezout war an dachen, gant eun dornadig soudarded.
FILIP
N’halle ket ober brasoc’h plijadur d’in. (Da Eud.) Aotrou Eud a Vourgogn, it da zigemeret hor c’henderv hag henchit anezan betek an delten-ma gant an holl henor dleet d’ezan.
(Eud a ya er-meaz da heul ar Floc’h, dre ar goueled (fons).
LOEIZ
Mall bras am eus da welet ar buguel henorus-se, a garan evel pa vije va breur.
