Adlennet eo bet ar bajenn-mañ
— 53 —
LAOU AR REIER
A-walc’h a ziotachou ! Lez ac’hanomp e peoc’h gant da blanedennou, ha kea da bourchas eun diskan nevez d’eomp a-benn ar c’hoariou a zo o vont da zigeri. Da garga ran da ober meuleudi ar gounider.
TRIWEC’HVET DIVIZ
An hevelep re, eun EMBANNER a VREZEL, o tont a zeou.
AN EMBANNER
En hano hon Aotrou Arzur a Vreiz-Izel e teuan da gemenn d’eoc’h e vezo digor ar c’hoariou a-benn eun heur, hag hoc’h galvet holl da zont da gemeret perz enno.
ROHAN
D’eomp da lakaat hon armou e stad. Aotrounez, deut d’am heul.
HOLL
D’eomp da zâl an armou !
(Mont a reont holl er-meaz. Laou ar Reier a jomm er penn a-dren, ar barz war e lerc’h. Pa’z a da zortial e tizro hag e krog e breac’h ar Barz, oc’h e jacha war leur an teatr.)
