Adlennet eo bet ar bajenn-mañ
— 41 —
an Normandi… Roue Bro-C’hall a zo edro, hag ar binvidigez
a blij d’ezan… Gallout a rafe lakaat e graban war
va leveou… Setu unan bennak o tout… Hardiziegez ha
finesa a rankin da gaout.
PEVARZEGVET DIVIZ
YANN-DILEVE, LAOU ar REIER, o tont dre an tu deou.
Ar-Barz, kuzet.
LAOU AR REIER
Aotrou, setu me, pa hoc’h eus va galvet.
YANN
Kountant on ac’hanoc’h, aotrou koant, pa’z hoc’h deuet ker buan. Bez’ ez hoc’h, me gred, senechal eus ar Poatou ?
LAOU AR REIER
Ya, aotrou.
YANN
Re nebeut eo an hano a zenechal evit eun den kalonek eveldoc’h.
LAOU AR REIER
Va ginivelez ha va zroiou-kaer n’o deus ket roet tro d’in da zevel hueloc’h ; setu perak ne c’hoantaan netra-all ebet.
YANN
Ha koulskoude, daoust ha n’en em gavit ket izeleet o veza evel-se dindan galloud eur bugel ?
