Adlennet eo bet ar bajenn-mañ
— 162 —
ARZUR, war e zaoulin.
Truez, va eontr !… Truez oc’h gwad ho preur ! A ! diarbennit remorsiou eun torfed ! Ho pezet truez ouzin !
YANN, penfollet.
Sikour, Molag ! Tap krog er zarpant miliget-se !…
ARZUR
Va eontr, o va eontr, ne vefet ket kris a-walc’h…
YANN
Sav, reuzeudik, ha grik ebet mui ! Ac’hanta, Molag, tosta ha sko !
MOLAG, gant heuz.
Doue d’am miro ! (Mont a ra er vag.)
YANN, o kregi e breac’h Arzur a gas anezan warzu ar vag.
Dre an ifern ! dont a ri d’am heul ?
ARZUR
O sent Breiz-Izel !… Da beleac’h ez it da gas ac’hanon ? D’ar maro, a dra-zur ! A ! va eontr, dre druez, lezit va buez ganen !…
YANN, dizroet ar peoc’h ennan souden.
Goulen a rez truez !… Keuz ac’h eus eta da veza bet ken huel ha ken lorc’hus em c’henver ?
ARZUR, oc’h en em erbedi.
Va eontr !!!…
