Adlennet eo bet ar bajenn-mañ
— 140 —
LIONNEL, er penn pella, o sellet a zeou.
Setu ar roue o tont ! erru eo dre ama.
HUBERT
Arabad e ve d’ezan kaout ac’hanomp ama… Deuit d’am
heul, prinz… deuit, deuit ! Va Doue ! sklerijennit va
spered evit mac’h anavezin ar pez am eus da ober.
UGENTVET DIVIZ
Ar BARZ, YANN, o tont a zeou.
YANN
Pa lavaran d’it e fell d’in ! Hizio zoken ez aio ganez eus ar c’hastell-ma ; ya, Arzur a yelo ganez.
AR BARZ
Petra livirit aze ?
YANN
Gouzout a rez pegement a zoursi am eus anezan… Respont a ri evitan. Ni hon daou hepken aouezo eo beo, epad ma vezo maro evit an holl. Mont a ri gantan da Vro-Spagn, en eur c’horn gouez, pell pell, el leac’h n’ez aio morse den d’e glask.
AR BARZ
Aotrou roue, ober a rin ar pez a livirit.
YANN
Ya, mad, hen hencha ri, hennez eo ar ger… (Da Hubert o tont) : Ac’hanta ?…
