Adlennet eo bet ar bajenn-mañ
— 138 —
LIONNEL
Dre druez, va zad, ne rit droug ebet d’Arzur !
HUBERT
Kea kwit !
LIONNEL
N’en deus tad ebet evit e garet hag e zifen, el leac’h me ’m eus ! Ema e-unan ; ne fell ket d’in e zilezel !… Arzur, Arzur ! arabad eo d’it kaout aon, me am eus ive nerz-kalon !… Deus, ne gredo ket skei ganez pas vezi etre va divreac’h !
HUBERT
O ! pebeus rann-galon !
ARZUR
Bugel mad !
LIONNEL
Va zad, perak e klaskit noazout ouz va mignon Arzur ?
HUBERT
Perak ? Abalamour ne fell ket d’in e varvfes-te, Lionnel. Ma ne zentan ket… ar roue a lakaio ac’hanout d’ar maro… hen touet en deus…
LIONNEL
Mad neuze ni a varvo hon daou ! Nan, nan, ne c’hoarvezo ket kement-se. Va zad, va zad mad ! C’houi hen difenno ive, n’eo gwir ? O lezit e vuez gant Arzur !
