Pajenn:Ar Prat - Buez Arzur a Vreiz, 1908.djvu/133

— 131 —

C’HOUEZEKVET DIVIZ

AR BARZ hag ARZUR

AR BARZ

Pellaat a ra… Arzur a vezo saveatet… Mez penaos her lakaat da c’houzout. Ma kanfen an eil poz eus ar ganaouen-ze a ganen ken alies gwechall :

Bugelig paour, sec’h pelloc’h da zaelou,
Setu eun eal o tont eus an nenvou ;
E zorn nerzus, va c’hred, da hencho mad,
Hag e vouez flour a gomzo d’it dalc’hmad !

MOUEZ ARZUR, tostik, mez kuzet.

O tremener, a glev ar bugel paour.
Evit Doue, ro d’in eul lommig dour ;
Me a bedo evit m az pezo chanz,
P’az peus laret ar ger leun a fizianz !

AR BARZ

Klevet en deuz ac’hanon !…

ARZUR, o tont dre gleiz.

Huvreal a ran ?… Kredet em boa anaout… ar zorser ama er beure-ma ! Tromplet on bet gant va c’halon !

AR BARZ, d’an dud.

Na pegen chenchet eo !…

ARZUR

Livirit d’in : Ha c’houi eo a gleven o kana bremaïk ?