Pajenn:Ar Berr - Sinatur an eil testamant, 1911.djvu/11

Eus Wikimammenn
Sauter à la navigation Sauter à la recherche
Gwiriekaet eo bet ar bajenn-mañ
— 11 —


ALAN (o c’hoarzin)

Bôn ! Trugarekaat d’id ! (kemeret a ra ar bara). An dra-ze ne ket bara eo ! Ha sur out n’eo ket eun tam mean-meil (klask a ra dibri eun tam) muioc’h e stourm ouz ar dent eget na stourmaz Smala Abd-el-Kader, eneb d’an duk d’Aumal !

LOM

Eun tammik eo kaled ! gwir eo !

ALAN

E gwirionez, n’oun ket evitan !

LOM

Gwelet a ran n’hoc’h ket kontant, aotrou iaouank !

ALAN

Bast ! Pa vezer soudard, dao eo senti dioc’h peb tra dreist-oll pa vezer sous-offiser !

LOM

Eur sous-offiser ! C’hui hag a zo eur c’hont evel ma lavarer en noblanz, a dlefec’h beza kapiten d’an nebeuta !

ALAN

Me hag a hanver aotrou kont, hir evel va breac’h, a zo marechal-des-logis er rujumant chaseourien an Afrik.