Kadarnaet eo bet ar bajenn-mañ
— 11 —
ALAN (o c’hoarzin)
Bôn ! Trugarekaat d’id ! (kemeret a ra ar bara). An dra-ze ne ket bara eo ! Ha sur out n’eo ket eun tam mean-meil (klask a ra dibri eun tam) muioc’h e stourm ouz ar dent eget na stourmaz Smala Abd-el-Kader, eneb d’an duk d’Aumal !
LOM
Eun tammik eo kaled ! gwir eo !
ALAN
E gwirionez, n’oun ket evitan !
LOM
Gwelet a ran n’hoc’h ket kontant, aotrou iaouank !
ALAN
Bast ! Pa vezer soudard, dao eo senti dioc’h peb tra dreist-oll pa vezer sous-offiser !
LOM
Eur sous-offiser ! C’hui hag a zo eur c’hont evel ma lavarer en noblanz, a dlefec’h beza kapiten d’an nebeuta !
ALAN
Me hag a hanver aotrou kont, hir evel va breac’h, a zo marechal-des-logis er rujumant chaseourien an Afrik.
