Péh quer pourfitabl e er Retræd

Eus Wikimammenn
Sauter à la navigation Sauter à la recherche


Péh quer pourfitabl é er Retræt.


GUIR é n’en dé quet necessær absolumant gobér retræt eit bout salvet ; mæs neoah ellein e rér laret é ma ur moyant cair hac excellant d’arrihue é bèr amzér én ur santeleah vras ; éellein e rér memb assurein, hemb laret rai, n’éellér quet hum sehuel d’ur santeleah ihuel ma n’hum bligér é monet d’er retræt.

En exerciceu spirituel ag er retrædeu e zou deit de vout stang a oudé sant Ignace, instituour er Juistret. Er Sant-cé en doai hanàuet doh t’ou é hunan péh quer pourfitabl é eit un inean ur retræt groeit mad, hac en dès groeit é bossibl eit laquat er grechénion de gârein ur pratiq quen avantajus. Trugairé Doué ha poén er Sant-cé, n’en dès quasi province erbet n’en dès tyér destinet d’obér er retræt.

Ne fal quet bout rebuttet guet en anné a vout é hunan hac ér silance. Speret en Eutru Doué e rant æz en treu diæssan. Hum antretenein guet Doué, de laret-é, conz doh t’ou hac er cheleuet, ne ra quet anné, emé er priæd ag er hantiqueu.

Antréet enta mar-a-amzér ér placeu beniguet-cé, destinet d’er silance, ha hui e gleüou en Eutru Doué é conz doh hou calon. Ne gonz na n’er hleuér meit él léhïeu dissimur, didrouz, divorloh, ér peah ha pêl doh en ambarasseu ag er bed. Quênt ma vou pêl, é vou ret demb comparissein dirac Doué, eit rantein cont dehou a hun ol conzeu, chongeu, obéreu, ha bet hac en desirieu a hun halon ha manquemanteu én hun devér. A ean e zou nitra gùel hac avisettoh eit quemér en amzér ag ur retræt de breparein ur gont e zeli bout quer blaouahus.

Hun intérior, de laret-é, hun inean hac hun halon, e zou haval doh un doar n’en dé quet labouret, ne zoug meit er freté, ronz, spern ha fal lezeu. Hun pourfit é el labourat hac el laquat de zoug fréh e vérit er vuhé éternel.