Ag en énormité ag er pehet marhuel

Eus Wikimammenn
Sauter à la navigation Sauter à la recherche


MÉDITATIONEU


A béré é ellou er Verdér hac en dut aral hum chervigein revé ou devotion, pé révé ou dobér, pé revé avis ou Hovezour.
————


I. MÉDITATION.
Ar en énormitè ag er pehet marhuel, a balamort mé ma caus de varhue hun Salvér.


CONSIDÉRET péh quer bras é malice ha lousteri terribl er pehet marhuel, a p’en dé bet necessær de Vab uniq en Eutru Doué, d’en eil Person ag en Drindet, disquen ag en Nean ar en doar, ha quemér ur horf capabl de souffrein èl hun ré, eit en distrugein dré é souffranceu ha guet é varhue. El mé ma ou fal obéreu e gasse en dorfetterion d’er marhue, èl-cé ehué é ma hun pehédeu en dès degasset hun Salvér de souffrein ha de verhuel ér bed-men eit ou effacein.

2.° Considéret penaus hun Salvér Jésus-Chrouist, eit gober demb comprenein gùel péh quer ponnér é bet dehou er sam eahus a hun pehédeu, a béré en dès hum garguet dirac justice terribl en Eutru Doué én hun léh, n’en dès quet hum goutantet a gondui ur vuhé carguet a boén hac a afflictioneu ; mæs en dès hoah fallet dehou hé achihue dré ur marhue quer calet ha quer méhus, deusto ma ellai golhein ol er pehédeu dré un dapen ag é Oêd scùillet én é Circoncision, pé dré un dapen ag é zar scuillet ér marchaussi a Vethléem, pé memb hempquin dré un act a volanté.

3.° Considéret penaus, deusto mé ma marhue hun Salvér eit en ol dut, eit effacein pehédeu er bed antiér, éma marhuet neoah eit oh é particuliér, hac eit effacein hou pehédeu hui. Rac, èl ma vehai gùir én hou pehai lahet hui-memb un dén, querclous p’hou pehai queméret cant aral d’hou secour, èl p’hou pehai ean lahet hou ç’hunan ; èl-cé é ma gùir é hoès reit er marhue d’hun Salvér, a n’hou pehai groeit meit ur pehet marhuel, querclous èl pe n’en dehai quet er behérion aral secouret doh ou zu ; hac é ma gùir ehué é ellet tennein quement a bourfit ag é Bassion hac a é varhue, èl pe n’en dehai souffret, èl pe ne vehai marhue nameit aveit oh-hui hemp quin.