O Itron Varia

Yann-Bêr Kalloc’h

Ar en deùlin

Plon-Nourrit et Cie, 1921 (p. 169-173)

◄ Itron-Varia

O Itron Varia

Litanieu er Huerhéz ►

KAÑNEN

————

EIT GOUIL MARIA KREIZ EST

O INTRON VARIA

(Péden aveit Breih)

————

$\score { \version "2.18.2" \new Staff { \relative c'{ \clef treble \key c \major \autoBeamOff \time 2/4 \partial 16*4 e8. g16 a4 g8. c,16 | e4 e8. g16 | a4 g8. e16 | \break e d8. e8. g16 | a4 g8. c,16 | e4 e8. g16 | a8. b16 c8.( a16) | \break g e8. e8. g16 | a8. b16 c8. a16 | g e8. e'8. d16 | \break c a8. g8. e16 | e d8. e8. g16 | a8. b16 c8. a16 | \break g e8. e'8. d16 | c8 a g e | e16 d8. e8.^\markup {Diskan} g16 | \break a4 g8. c,16 | e4 e8. g16 | a4 g8. e16 | e d8. e8. g16 | \break a4 g8. c,16 | e4 e8. g16 | a8. b16 c8.( a16) | g e8. \bar "|." } \addlyrics { El ur vag ar er mor bur -- tel -- let, én Hou -- len -- neu, Hur bro kaer en Ar -- vor zou groñ -- neit d’en dan -- jé -- rieu. Ge -- noh Hui é hou -- len se -- kour: Goar -- net hi doh en di -- zi -- nour; Goa -- ran -- tet ni doh pep goal -- daul, Mam, di -- huen -- net ni doh en Diaul. O In -- tron -- Va -- ri -- a get tru -- hé deit de sé -- het En da -- reu e skui -- lla hur Breih peur, hur Breih fea -- het. } } \layout { indent = #00 line-width = #123 } \midi { } } \header { tagline = ##f }$

I

El ur vag ar er mor burtellet, én Houlenneu,
Hur bro kaer en Arvor zou groñneit d’en danjérieu.
Genoh Hui é houlen sekour :
Goarnet hi doh en dizinour ;
Goarantet ni doh pep goal-daul,
Mam, dihuennet ni doh en Diaul.

DISKAN

O Intron-Varia get truhé deit de séhet
En dareu e skuilla hur Breih peur, hur Breih feahet.

II

Reit hur boé de dud Frans
Hur horveu, hun inéañneu,
Deit e oemb get fians
De héli ou lézenneu.
Met saùet e zou trubarded :
Ol hun guirieu ou des fondet,
Hur hréden e glaskant mougein,
Ha doh Hou Mab hun distagein.
O Intron Varia...

III

Ni e gred én Hou Mab
Er Salvér marù ar er Groéz ;
Staget omb doh er Pab
Doh hun Tad é kreiz er gloéz.
Kalet é penneu er Vreihiz ;
Féal e chomeint doh en Iliz ;

Kaer en dou en Diaul atahin,
Nann, ne naheemb Doué birùikin !
O Intron Varia...

IV

Hun Tadeu e oé bras
Ha brudet dré ol en doar
Eit er Groéz ind e hras
Burhudeu hemb par, hemb par.
Hun Tadeu viùé digabestr,
Doué é unan e oé ou mestr :
Ni eùé vou fidél dehon
Tré ma padou er houen vreton.
O Intron Varia...

V

Sent hur bro, sent hur bro
Saùet ol ag hou péieu,

Ha ridet tro ha tro
De zihun hur parrézieu,
Eit ma hoarneemb Fé hun Tadeu
Stréuet ér vro er burhudeu ;
Pédet Doué de rein d’emb hiniù
Nerh de chomel kristén ha kriù.
O Intron Varia...

Miz Est, 1911.