Laket am euz a-gren em speret

Eus Wikimammenn
Sauter à la navigation Sauter à la recherche
Eskopti Sant-Brieg ha Landreger
Ti René Prud’homme, 1924  (p. 36-37)



N° 25. — Da Galon Jezuz.
War an ton N° 25.


1. Laket am euz a-gren em speret
Karet ho Kalon ma Jezus :
Rag endro d’in kaer am euz zellet
Ouz an ol draou garantezus
Netra na drec’h war ho karante,
Nag en Env na war an douar :
Oh ! na fol eta e vefen-me,
O chom ouz-oc’h ien pe glouar.
O chom ouz-oc’h ien pe glouar.

2. C’houi ec’h euz dibabet ann danve
A vev em izili breman ;
C’houi ec’h euz krouet d’in ma ine,
Evid m’oc’h anavin gantan ;
Ha goude ken espar donezon,
Ec’h euz gret eur burzud neve :
Kuzet ec’h euz enon eur galon,
Ma c’hellin ho karet ive. (bis)

3. Kemeret ec’h euz bet en hon zouez
Daouarn da c’houren ouz Satan,
Daoulagad da glask emesk ann drez
An denvet touellet gantan ;
Diskouarn vit klevet hon c’hlemmou,
Eur vouez da rei d’imp ali mad,
Hag evit zantout hon ezomou,
Eur Galon dom ha leun a voad. (bis)


4. Lein ar C’halvar a zo bet ruet,
Gant ar goad zakr a distrimpe
Dre bemp gouli truezuz meurbet
Toullet a hed ar vammen-re.
O pegen kri gwelet eun Doue
Stag ouz eur groaz etre daou laer !
N’eo ket ann tachou c’houarn ho talc’he,
Med ho karante n’hon c’henver. (bis)

5. En ilijou aboe keit amzer,
Zul gwes m’ho kalver, e teuet ;
Enem blij a ret war ann oter
Evel en Env gand an elet :
Ho nrasan plijadur koulskoude
Eo aisken en hon c’halonou,
Ha kijan e goad ho pugale
Ar goad a red en ho memprou. (bis)

6. Warlec’h madoberou ken zouezuz
En andret eur pec’her m’az on,
Na c’houlenet ouzin, ma Jezuz,
Mann ebet ouspen ma c’halon :
D’ac’h he gwestlan evit eur biken,
Renet ebars, ha miret-hi :
Mervel a rin zioul ha dianken,
Gant ho Kalon bev em hini. (bis)

K. G.