Kantik Itron Varia Blouaret

Eus Wikimammenn
Sauter à la navigation Sauter à la recherche
Moulerez Sant-Gwilherm, 1909  (p. 63-64)



Kantik Itron-Varia Blouaret
————


Patronez parouz Plouaret,
Ni ho ped a greiz-kalon ;
C’houi ’zo Mam da Zalver ar bed,
Main d’imp ive, hag Itron !

Diskan :

Itron Varia-Blouaret,
Patronez vat ha santel,
Roet sklerijen d’hon spered,
Nerz d’hon c’halon, ha skoazel,
Ewit chorn gwir-gristenien ,
Hag ho karout da viken !
(Diou wech).

An drouk-spered na baoues ket
Da c’hedal ’n dro d’imp noz-de ;
Hon zikouret da stourm bepret,
Ha diwallet ho ine !

Ar bed, gant e stigno kuzet,
A glask distrei hon zello
Diouz hent ar gwir-evurusted,
Diouz hent an Nenv, hon gwir vro.

En hon c’hreiz e ve kann ive,
Etre ar vad hag ar fall ;
Aliës, siouaz, hon ine
Ouz hon c’horf a renk diwall.


Pa deuio anken ha glac’har
Da rannan hon c’halono,
Mam vat, na vezet ket digar,
Deut da stankan hon daero !

Gwerc’hez dinam a bep pec’hed,
Miret ine ar bugel ;
Gret ma vezo bepred sturiet
Gant eur vam fur ha santel.

En tad, evel er vam gristen,
Gwriennet ervat ar fe,
Gret ma vo miret pen-da-ben
En o zi lezen Doue.

Gret ma kerzo ar yaouankiz
Dalc’hmat, en hent ar furnez ;
Ma tarempredo an iliz,
M’ho karo, dreist oll, Gwerc’hez !

Harpet an den en e gozni,
Gant ho prech vadelezus,
Ha sikouret kement hini
A zo aman gwaleurus.

Gwerc’hez, daoulinet ’n hoc’h iliz
E c’houlennomp ho pennoz,
Binniget ho parousianiz,
Kaset ’nê d’ar Baradoz.

Ma kavomp ken kaer ho skeuden
War hon gweren-vras liwet,
Pegen kaer ’vo ’ta, da viken,
En hon gwir-vro ho kwelet.


————