Jannet Helari

Oberennoù damheñvel pe handelvoù all zo ivez, gwelout Janed Helari.

Fañch an Uhel

Soniou Breiz-Izel

Emile Bouillon, 1890  (Levrenn II, p. 288-290)

JANNET HELARI

____

I

   Jannet Helari, merc’h he mamm,
Brava plac’h iaouanc ’zo en Dinam^[1]

   Ha na hall ket sevel he fenn,
Gangt ann dudjentil euz hi goulenn.

   N’ê ket eun denjentil e deus bet,
Rac eun den a vor deus eureujet ;

   Deus eureujet eun den a vor,
He ano Iann ann Arc’hantour.

II

   Iann ann Arc’hantour a lâre
D’he bach bihan, eun dez a oe :

   — Pajic, pajic, mar am c’haret,
Te ’c’h a d’ar gêr, me na an ket ;

   Te ’c’h a d’ar gêr, ’me na an ket,
Gra ma gourc’hemeno d’am pried ;

   Cass d’ei ma rochet leun a voad,
Ha lâr d’ei hi c’hannan er-vad ;

   Ha lâr d’ei hi c’hannan er-vad,
Gant ann daero hi daoulaad.

   Lâres d’ei, ma commer par,
Commer eul labourer douar ;

   Commer eul labourer douar,
Pe eur paotric coant marichal ;

   Pe eur paotric coant marichal,
Gant den a vor hi vô war var.

   Lâres d’hi rei he merc’h henan
D’an-neb hi goulenno kentan,

   Na re ket tenzaour a verc’hed,
Na int ket mad da em vired ;

   Ha cass he mab bihan d’ar scol,
N’hen disco ket da den a vor ;

   Met he mab henan, m’hen goar er-vad,
A vô den a vor, vel he dad ;

   Hac he merc’h iaouanc d’al leandi,
Mado ’walc’h ’zo da reï gant-hi ;

   Mado ’walc’h ’zo da reï gant-hi,
Tric’huec’h cant scoed leve ’zo em zi^[2].

Canet gant Mac’harit Fulup.
Plûnet, septembre 1872.

____________

1. Variante: Brava plac’h iaouanc ’vale Dinam.
2. Voir dans le Gwerziou Breiz-Izel, tom II, pag. 175, une version plus complète de cette pièce.