Gousperou ar Zul
eus in adjutorium meum intende :
Domine, ad adjuvandum me festina.
Gloria Patri, et Filio, et Spiritui Sancto.
Sicut erat in principio, et nunc et semper,
In sæcula sæculorum. Amen.
ixit Dominus Domino meo : sede a dextris
meis.
Donec ponam inimicos tuos : scabellum pedum tuorum.
Virgam virtutis tuæ emittet Dominus ex Sion : dominare in medio inimicorum tuorum.
Tecum principium in die virtutis tuæ in splendoribus Sanctorum : ex utero ante luciferum genui te.
Juravit Dominus, et non pœnitebit eum : tu es Sacerdos in æternum sæcundum ordinem Melchisedech.
Dominus a dextris tuis : confregit in diæ iræ suæ Reges.
Judicabit in nationibus, implebit ruinas : conquassabit capita in terrâ multorum.
De torrente in viâ bibet : proptereâ exaltabit caput. Gloria Patri, etc.
Ant. Dixit Dominus Domino meo : sede a
dextris meis.
onfiteor tibi, Domine, in toto corde meo :
in concilio justorum et congregatione.
Magna opera Domini : exquisita in omnes voluntates ejus.
Confessio et magnificentia opus ejus et justitia ejus manet in sæculum sæculi.
Memoriam fecit mirabilium suorum, misericors et miserator, Dominus: escain dedit timentibus se.
Memor erit in sæculum testamenti sui : virtutem operum suorum annuntabit populo suo.
Ut det illis hæreditatem gentium : opera manuum ejus veritas et judicium.
Fidelia omnia mandata ejus, confirmata in sæculum sæculi facta in veritate et æquitate.
Redemptionem misit populo suo : mandavit in æternum testamentum suum.
Sanctum et terribile nomen ejus : initium sapientiæ timor Domini.
Intellectus bonus omnibus facientibus eum : laudatio ejus manet in sæculum sæculi.
Gloria Patri, etc.
Ant. Fidelia omnia mandata ejus, confirmata in sæculum sæculi
eatus vir qui timet Dominum in mandatis
ejus volet nimis.
Potens in terra erit semen ejus : generatio rectorum benedicetur.
Gloria et divitæ in domo ejus : et justitia ejus manet in sæculum sæculi.
Exortum est in tenebris lumen rectis : misericors
et miserator et justus.
Jucundus homo qui miseretur et commodat : disponet sermones suos in judicio : quia in æternum non commovebitur.
In memoriâ æternâ erit justus : ab auditione mala non timebit.
Paratum cor ejus sperare in Domino, confirmatum est cor ejus : non commovebitur, donec despiciat iniinicos suos.
Dispersit dedit pauperibus : justitia ejus manet in sæculum sæculi : cornu ejus exaltabitur in gloria.
Peccator videbit, et irascetur dentibus suis fremet et tabescet : desiderium peccatorum peribit. Gloria Patri, etc.
Ant. In mandatis ejus cupit nimis.
audate, pueri, Dominum : laudate nomen
Domini.
Sit nomen Domini benedictum ex hoc nunc et usque in sæculum.
A solis ortu usque ad occasum laudabile nomen Domini.
Excelsus super omnes gentes Dominus : et super cœlos gloria ejus.
Quis sicut Dominus Deus noster, quis in altis habitat et humilia respicit in cœlo et in terrâ.
Suscitans à terrâ inopem : et de stercore erigens pauperem.
Ut collocet eum cum principibus : cum principibus populi sui.
Qui habitare facit sterilem in domo : matrem filiorum lætantem. Gloria Patri, etc.
Ant. Sit nomen Domini benedictum in sæcula.
n exitu Israël de Egypto : domus Jacob de
populo barbaro.
Facta est Judæa sanctificatio ejus : Israël potestas ejus.
Mare vidit, et fugit Jordanis conversus est retrorsùm.
Montes exultaverunt ut arietes : et colles sicut agni ovium.
Quid est, mare, quod fugisti ? : et tu Jordanis, quia conversus es retrorsùm.
Montes exultastis sicut arietes : et colles sicut agni ovium ?
A facie Domini mota est terra : a facie Dei Jacob.
Qui convertit petram in stagna aquarum : et rupem in fontes aquarum.
Non nobis, Domine, non nobis : sed nomini tuo da gloriam.
Super misericordiâ tuâ et veritate tuâ : nequando dicant gentes : ubi est Deus eorum.
Deus autem noster in cœlo : omnia quæcumque voluit, fecit.
Simulacra gentium argentum et aurum : opera manuum hominum.
Os habent et non loquentur : oculos habent, et non videbunt.
Aures habent, et non audient : nares habent, et non odorabunt.
Manus habent, et non palpabunt ; pedes habent et non ambulabunt : non clamabunt in gutture suo.
Similes illis fiant qui faciunt ea : et omnes qui confidunt in eis.
Domus Israël speravit in Domino : adjutor eorum et protector eorum est.
Domus Aaron speravit in Domino : adjutor eorum et protector eorum est.
Qui timent Dominum speraverunt in Domino :
adjutor eorum et protector eorum est.
Dominus memor fuit nostri : et benedixit nobis.
Benedixit domui Israël : benedixit domui Aaron.
Benedixit omnibus qui timent Dominum : pusillis cum majoribus.
Adjiciat Dominus super vos : super vos et super filios vestros.
Benedicti vos a Domino : qui fecit cœlum et terram.
Cœlum Cœli Domino : terram autem dedit filiis hominum.
Non mortui laudabunt te, Domine : neque omnes qui descendunt in infernum.
Sed nos qui vivimus, benedicimus Domino : ex hoc nunc et usque in sæculum.
Gloria Patri, etc.
Ant. Nos qui vivimus, benedicimus Domino.
Benedictus Deus, et Pater Domini nostri Jesu Christi, Pater misericordiarum, et totius consolationis, qui consolatur nos in omni tribulatione nostra. ℟. Deo gratias.
ucis Creator optime,
Lucem dierum proferens,
Primordiis lucis novæ,
Mundi parans originem ;
Qui mane junctum vesperi,
Diem vocari præcipis,
Tetrum chaos illabitur,
Audi preces cum fletibus.
Ne mens gravata crimine,
Vitæ sit exul munere,
Dum nil perenne cogitat,
Seseque culpis illigat.
Cœleste pulset ostium ;
Vitale tollat præmium,
Vitemus omne noxium,
Purgemus omne pessimum.
Præsta, Pater piissime,
Patrique compar unice,
Cum Spiritu Paraclito
Regnans per omne sæculum. Amen.
℣. Dirigatur, Domine, oratio mea.
℟. Sicut incensum in conspectu tuo.
agnificat anima mea Dominum,
Et exultavit spiritus meus * in Deo salutari meo.
Quia respexit humilitatem ancillæ suæ * ecce enim ex hoc beatam me dicent omnes generationes.
Quia fecit mihi magna qui potens est * et sanctum nomen ejus.
Et misericordia ejus a progenie in progenies * timentibus eum.
Fecit potentiam in brachio suo * dispersit superbos mente cordis sui.
Deposuit potentes de sede * et exaltavit humiles.
Esurientes implevit bonis * et divites dimisit inanes.
Suscepit Israël, puerum suum * recordatus misericordiæ suæ.
Sicut locutus est ad patres nostros * Abraham
et semini ejus in sæcula. Gloria Patri, etc.
Concede nos famulos tuos, quæsumus, Domine Deus ; perpetuâ mentis et corporis sanitate gaudere ; et gloriosâ beatæ Mariæ semper Virginis intercessione à presenti liberari tristitiâ, et æternâ perfrui lætitia. Per Dominum nostrum Jesum-Christum Filium tuum, qui teeum vivit et regnat in unitate Spiritûs-Sancti, Deus, per omnia sæcula sæculorum. Amen.