Ar 4 Ps. quenta eus a C’housperou ar zul, p. 496, ha Ps. Memento, p. 511.
Pange solemnes, pia turba, cantus,
Hâc die cunctis, tibi sanctiori,
Quæ Corentinum cumulata palmis
Vexit ad astra.
Cujus in miris renovata virgae
Crevit Hebrææ potior potestas,
Pressa dùm tellus baculo scatentes
Protulit undas.
Carne dùm piscis redit integratâ
In cibum sese totiès daturus ;
Æqua lex strictæ quoties suadet
Prandia mensæ.
Quis dapes parcas, vigilesque noctes ;
Quis gregis curam valeat referre,
Inclytam gemmis ubi sacra pressit
Infula frontem.
Cœlitum consors, patriæque vindex,
Præsul, ô nostræ decus omne gentis !
Adsis, et læsi precibus serena
Numinis iras.
Nostra te summum celebrant Parentem
Ora, te summo genitum parente :
Par sit amborum tibi laus per omne,
Spiritus, ævum. Amen.