Me zou mé ur post télégraf,
Ihuél ha plom él ur berchén,
Ha me saù ken ihuel me fén
Haval doh hani ur jiraf.
—É hon amen é kreiz ur lann
El ur soudard pe vé gédour,
Get er réral doh me sekour,
Prest kaér de gomans en émgann.
—Havaloh hoah un tavarnour,
Gronet on tré a chopineu,
Meit é huélet me chalenneu
É hon kentoh ur galeùour.
—Devout flatour é vehen guél,
N’em es meit digor men diskoarn
Pe bas ar en nedenneu hoarn
En doéré a dost hag a bél.
—Doh kement-sé me chom digas
Guel é d’ein laret sorhienneu
D’en nemb en des hoant d’em cheleu,
D’er ré vihan él d’er ré vras.
