Er hombat spirituel/Chapistre 80
| ◄ Doué e zegass demp en tantationeu-zé eveit hun mat. | Petra e zou ret temp gober eit nen hum affligehemp quet é mal-a-propos a gaus d’un fauteu. | En inean e zeli hum galmein hemp col amzer guet peb néhance e arriue gueti. ► |
AR erriue guenoh péhein dré action pé dré gomps hum laquat é colér dré un occasion benac, hum zistroêin a hou exerciceu dré ur guriosité væn, monet ér mez a hanoh hou hunan guet ur joé dijauge, chongeal drouc a hou nessan, pé couéh dré ur moyant benac aral, memb liès assès, a bout é vehai en ur memb faute e vehai, hac én hani memb doh
pehani en hou poai quemeret er résolution d’en hum hoarantein, ne zeliet quet hum néhancein na memb degas rai én hou isprit er peh e zou treménet, eit hum affligein hac hum zigouragein, é chongeal ne vou jamæs corrigemant én-oh, ne ret quet er peh e zou ret teoh gober én hou exerciceu, ha pe gâreheoh er gober, ne gouéheheoh quet quel liès ér faute-cé ; rac en dra-zé e zou un affliction a isprit hac ur hol-amzer doh pehani éma ret teoh évehat.
Ne zeliet quet ehué hum arrestein d’examinein er circonstanceu ag en amzer a hou faute, a ean zou bet hir pé berr, hac a ean zou bet coussantemant parfæt pé nen dès quet bet ; rac en dra-zé ne chervige meit de garguein hou isprit a geinemant, quênt ha goudé hou couessionneu, èl pe n’hou pehai jamæs laret er peh e zou ret laret, hac ér fæçon m’éma ret el laret. N’hou pehai quet en ol poénieu-zé p’hanàueheoh hou fragilité, ha pe ouïeheoh penaus éma ret hum gomportein é quever en eutru Doue goude hou fauteu. Nen dé quet guet er chagrin hac en digouragemant interior-zé pehani e geine hac e ziscar un dein ; guet ur gonfiance humble douce ha carantéus é madeleah Doué éma ret teoh goulén secour guetou : er peh um antand non-pas hemp quin ag er fauteu distér, mæs ehué ag er ré vrassan ; non-pas hemp quin ag er ré e gommetter guet yeinision ha lizidantæt, mæs memb ag er ré e gommetter dré valice.
Er peh ne gomprén quet hilleih a dut : rac é léh pratiquein er quentel vras-cé ag er gonfiance a groaidur é madeleah hac é misericorde en eutru Doué, int e stleige un isprit quen disconforte, m’ou dès poén memb é chongeal é nitra mat, hac int é gondu ur vuhé misérable hac a languisa dré ma heliant ou fantasi quentoh eveit en doctrine veritable ha salvus.