Er hombat spirituel/Chapistre 75
| ◄ Ag er fé e teliamp hur bout é quever er sacremant adorabl ag en Autér. | En inean ne zeli clasg repos na plijadur meit é Doué. | En ampêchemanteu hac en dioustemant e gavamb doh er peah interior-zé ne zeli quet hun laquat de vout triste. ► |
N inean de behani ne blige nitra ag er bed, meit é bersecutioneu hac é zisprisance, pehani ne gâr ha ne zesir nitra ag en ol madeu e èll rêin, ha ne zouge nitra ag en ol drougueu e èll gober, pehani e béella doh er ré guetan èl doh ampoéson, hac e glasque er réral èl é blijadurieu, henneh e zou ér stat de receu guet Doué consolationeu bras, meit ma vou hé ol gonfiance én hou, ha na fiou quet é fæçon erbet én hé nerh é unan : courage sant Pierr e oai bras, a pe larai hardeh mat é oai coutant de verhuel guet Jesus-Chrouist : er volanté gronce-zé é oai sur forh vat, mæs én effet un deffaute hé devoai ; en hani a vout é volanté prope, hac en defaute-cé e oai bet caus dehou couéhel : quer gùir èl mèi ne fehemp chongeal na gober nitra a vat, hemp er secour a buissance en eutru Doué.
Dalhamb hun inean libre a bep sorte desir ; re-vou aquerh guet é action, presant ar er peh e ra, ar er peh e chonge, hemp andur ma vou ar un dro guet er peh e ra breman ha guet er peh en devoa d’ober ha de chongeal goudé.
Neoah nen dé quet dihuennet doh dein erbet quemer soign a é affærieu tamporel, guet ur sourci ræsonnable ha reglet mat, peb-unan hervé en necessité a é stat ; en treu-zé quemeret èl ma faute e zou revé Doué, ha ne virant a sorte erbet doh er peah interior ha doh en avancemant spirituel.
Ne fehemp gober nitra gùel a gaus d’impléein erhat en amzer presant, eveit offrein berpet de Zoué hun inean nueah ha distag-cair doh en ol desirieu, hac hum zerhel dirac é vajesté divin èl ur peur goàn hac é languissal, pehani nen dès nitra, ha pehani nen dé quet capable d’ober na de ounid nitra.
El liberté-zé a speret hemp angagemant erbet én-omp a ziabarh, nac é léh aral a zianvès, eit bout aquerh de Zoué, e zou natur er berfection.
N’eller quet comprenein peh quer bras é er soign e bris quemer en eutrü Doué ag ur hroaidur e zou él-cé tout de hou.
Ean e séell èl un dra agréable ma tigueor dehou é halon guet confiance. Coutant é de rêin sclærder dehou ar en treu a beré éma én arvar, ha de lacat de vout æs er peah e ra é ziæsemant, d’er sehuel a pen dé couéhet, de bardonnein dehou é fauteu sél guéh ma er havou preparet d’en dout ur hai bras a nehai, rac Doué e zou perpet er belêc éternel : deusto d’er pouvoér en dès reit de sant Pierr ha d’er ré ar é lerh, de ériein ha de ziériein, nen dès quet hum brivet ean-memb ag er bouvoér-zé ; ér fæçon-zé, ma ne gâr quet é Gouéssour rêin dehou er sacremanteu quel lies él ma cârehai, é vajesté er recèuou hac e accordou dehou pardon quel liès guéh ma tèi devat-hou guet confiance, quai ha caranté.
Chetu er fréh ag en disinteressemant santel hont.