Er hombat spirituel/Chapistre 72
| En inean e zeli hum zerhel é hunan ha distaguet doh quement tra zou eit ma rèi Doue abarh el ma pligeou guetou. | Ret é bout aviset mat é caranté en nessan eit ne vou quet troublet peah en inean. | En inean e zeli renonciein d’é volanté propr, etc. ► |
OUÉ ne ra quet é zamurance én un inean, hemp allume én-hi en tan sacret a é garanté hac a charité é quever en nessan. Jesus-Chrouist en dès laret é ma deit de laquad en tan ar en doar.
Caranté Doué ne zeli quet en devout fin erbet, mæs er garanté e zeliamp hur bout é quever en nessan e zeli en devout he mesul. Doué ne fehai quet bout câret rai, mæs ellein é rer cærein rai en nessan ; ma ne vé réglet mat er garanté-zé, nen dé capable meit d’hun hol, gùellein e ramp hum ziscar é chongeal sehuél er réral. Câramp hun nessan én ur fæçon ne recèuou hun inean domage erbet ; er surran é na rehemb nitra dré en intantion hemp-quin a rèin exampl ha squir d’er réral, guet eun mar hum gollehemp en ur chongeal ou sauvein : groamp hun actioneu guet simplicité ha guet un intantion santel de bligein de Zoué hemp quin : a pe ouïehemp pratiquein er vertu a humilité hac hanàouet petra é hun œvreu mat, ne rehemp quet istim assès a nehai eit credein é ellou profitein hilleih d’er réral er peh e brofit quer bihan d’omp-ni. Nen dé quet necessær ma vehemp quer sourcius é quever en ineanneu, ma collou hun hani é repos.
Ni hun bou er séhet bras hont d’ou sclærderein, a pe bligeou guet Doué er rêin demp, mæs ret é gortos ma tèi a nehou ha ne faut quet chongeal é homp capabl d’hur bout-ean a hanomp hun hunan. Conservamp d’hun inean er peah hac er repos ag ur bellaen santel doh en dut : volanté Douè é ma vou èl-sé eit en ériein hac er staguein doh-t’hou ; hum zalhamp azéet én hun interior que n’arriuèi er mæstre ag er uinïec de rêin labour demp : Doué e antréou én-omp hac hun golèi a p’hun havou nuah ha dibarasset a ol sourci ha desirieu en doar : chonge en devou a hanomp a pe uélou en hun bou hum ancoéheit ni-memb : er peah e vou guenemb, hac é garanté divin e rèi demb gober hun ol actioneu hemp trouble, guet moderation ha tamperance, hac er peh e rehemp, ni er groèi ér repos santel ag er peah-cé lein a garanté pehani tàuein e zou compse, ha gober tout e zou hum zerhel libr ha aboeissant de volanté Doué, rac mèi é vadeleah divin e zeli gober tout én-omp ha guenemp ; hemp desirein tra erbet quin, meit ma vehemp berpet humbl dirac é zeulegat ha ma pressatehemp dehou un inean pehani nen dès quin desir meit ma vou accomplisset é volanté divin abarh, parfætan ma vou guellet.