Er hombat spirituel/Chapistre 58
| ◄ Ag en acteu a drugaré e zelier rantein de Zoué. | Ag en offrance e zeliamp gober de Zoué a hanamp hun hunan. | Ag en devotion tiner hac a boénieu er séhour spirituel. ► |
VEIT ma vou en offrance-zé forh agréable de Zoué, bout zou deu dra d’ober. Er hetan é hé joentein doh ol er ré rai mab Doué ér bed-man ; en eil hur bout distaguet antieremant hur halon doh en treu crouéet.
É quevér er hetan, ret é gout penaus hur Salver, durant ma vihuai ar en doar, e offrai hemp cess d’en Tad éternel, non pas hemp quin ean é hunan hac e actioneu é particulier, mæs hoah en ol dud hac en ol œvreu mat. Joentamp enta hun proveu doh é ré, eit ma vou dré an union-zé santifiet hun ré dré é ré.
Eveit en eil, évehamp é raug gober er sacrifice-zé a hanomp hun hunan, ne vou staguet hun halon doh un dra benac. Èl-cé a pe santomp nen domp quet antieremant libr a bep sorte caranté impur, goulennamp secour guet Doué ha conjuramp ean de dorrein hun liameu, eit ne vou nitra e virou dohomp a vout antiermant dehou. Er poent-ma é zou a gonsequance bras, rac un dein pehani en dès hum hroêit sclave er bed, mar chonge hum rèin de Zoué, ean e vènn rèin dehou un dra en dès deja roêit d’un aral, hac a behani nen dé quet mui mæstre. A nen dé quet en dra-zé gober goap a Zoué ? Chetu perac ehué a bout en un behai hum offret liès er fæçon-zé de Zoué èl un hosti, non pas hemp quin n’avançamb quet pé ne gresquamp quet é vertu, mæs couéhel e ramp é defauteu hac é péhedeu aral.
Ellein e ramp, gùir é, hum offrein guéhavé de Zoué a bout en hun liès ur restage benac a stagadur doh en treu ag er bed, mæs ret é ma vou eit ma rèi demb câs doh-t’hai, ha ma ellehemp arlerh en dra-zé hum gonsacrein d’er chervige hemp ampêchemant erbet : er peh e zou ret gober liès ha guet ur gret nerhus. Re-vou pur enta hun offrance, re-vou distag-cair hun volanté prope. Ne sellamp na doh madeu en doar, na doh ré en ean ; ne sellamp hemp quin meit doh volanté Doué, adoramp é brovidance, ha receuamp guet aboeissance tout er peh e arriue guenemb ag é berh ; sacrifiamp dehou ol hun inclinationeu, en ur ancoéhat en treu crouéet, laramp dehou : Me offre deoh, ô mem Doué ha me Hrouéour, tout er peh em ès, soublein e ran me volanté antieremant édan hou ç’hani ; groeit a hanan er peh e gârehet pé durant er vuhé, pé én ær ag er marhue, pé goudé er marhue, én amzer hac én éternité.
Mar dé a zevri ha sinceremant é compsamp èl-cé, mar domp ér santimanteu-zé, èl m’en discoei demp en amzer a drebil, meliteu bras blaouah e ouniéhemp é berr amzer, tresorieu preciussoh hilleih int eveit ol madeu ag en doar, de Zoué é vehemp, ha Doué e vou demb, pé hum ra berpet d’er ré e renonce dehai ou hunan, ha d’en ol treu crouéet eit bihuein hemp quin eveit hou. Ur moyant puissant hemp arvar é haneh de feahein hun anemiset ; rac mar en hum ramp de Zoué dré er sacrifice volonter-zé én ur fæçon ma vehemp tout dehou, hac ean tout demb, mèn éma en anemis e vou capabl d’ober poén demb ?
Mæs eveit distil davantage en treu é particulier, a pe gârehemp offrein dehou yunieu, pedenneu, actioneu a batiantæt pé œvreu mat aral, ret é de guetan chongeal ér yunieu, ér pedenneu hac én actioneu santel en dès groeit Mab Doué, hac en ur laquad tout hun honfiance én ou meliteu, presantein èl-cé hun ré d’en Tad éternel. Mar fal demp offrein d’en Tad-zé a visericorde souffranceu é Vab, eit satisfaction a hun péhedeu, ellein e ramp er gober ér mod-man.
Chongeal e rehemp pé é général, pé é particulier én desordreu a hun buhé, hac assuret penaus a hanomp ni-memb nen domp quet capable de zistânein colêr hun Juge souveræn, na de hober a satisfaction d’é justice, ni hun bou recour doh buhé ha doh marhue hur Salver ; ni hun bou chonge penaus a pe bedai, a pe yunai, a pe labourai, a pe scuillai é oaid, ean e offrai hac é actioneu hac é souffranceu d’é dat én intantion d’ober peah guetou. Hui e uél, e larai ean dehou, penaus é aboeissan d’hou couriameneu, en ur ober d’hou justice er satisfaction e oulèn eveit péhedeu hanan hac hanan. Pliget guenoh rêin dehai er pardon a nehai, hac ou receu é rang hou ré choéget.
Ret é ma joentou peb-unan é bedenneu doh ré Jesus-Chrouist, ha ma conjurou en Tad éternel de guemer truhé doh-t’hou dré veliteu passion é Vab. Ellein e rer pratiquein quement-cé sel guéh ma rer meditation ar vuhé pé ar varhue hur Salver, non-pas hemp quin a pé hér ag ur myster d’un aral, mæs en ol circonstanceu a bep myster, étré ma pedamp aveit-omb hun hunan pé eveit réral.