Er hombat spirituel/Chapistre 53
| ◄ Ag er fréh e eller tennein ag er meditation ar er groez, etc. | Ag er Sacremant ag en Autér. | Penaus ema ret receu er Sacremant ag en Autér. ► |
ABOURET em ès beta breman, èl ma huès ean guélet, é fournissein deoh puar sorte arm spirituel hac é tiscoein deoh penaus hum chervigein a nehai :
chom e ra deign breman de ziscoein deoh a beh secour e èll bout eveit oh er sacremant adorable ag en Autér eit feahein anemiset hou salvedigueah hac hou perfection. Èl mei er sacremant adorable-zé drès ol er réral é dignité hac é vertu, ag en ol armeu spirituel éma ehué en terriplan eit en diauleu. Er puar quetan n’ou dès nerh meit dré vériteu Jesus-Chrouist ha dré er græce en dès gouniet demp doh er bris a é oaid, mæs en hani deuéhan-man e zou hilleih puissantoh, pen dé én hon corf, goaid, inean ha divinité Jesus-Chrouist ean-memb. Doué en dès reit demb hanna eit combatal hon anemiset dré er vertu a bresance Jesus-Chrouist, rac én ur zaibrein é gorf, hac én ur ivet é oaid, chom a ramp guetou hac ean e chom guenemb. Mæs èl ma eller daibrein er horf-zé hac ivet er goaid-zé é dihue fæçon de gommuniein forh profitable ha forh santel, ret é pratiquein en eil liessan ma eller hac er guetan sel gùeh ma vé reit er bermission.