| ◄ Penaus e eller pratiquein er memb vertu estroh eveit én un occasion. | Ag en amzer e zeliamp laquad eveit hur bout peb vertu, hac ag er mercheu ag er profit e dennamp a nehai. | Ne zelier quet desirein rai bout delivret ag en affliction e andurer guet patiantæt, hac é peh fæçon éma ret reglein hun desirieu. ► |
Er hombat spirituel/Chapistre 40
CHAPISTRE XL.
Ag en amzer e zeliamp laquad eveit hur bout peb vertu, hac ag er mercheu ag er profit e dennamp a nehai.
E fehai quet bout arrestet justemant hac é general peguéhet amzer e zeliamp impléein é pratiquein peb vertu, eveit hur bout hi ; rac en dra-zé e zou revé er stat hac en dispositioneu é peré é omb, revé er profit e ramp ér vuhé spirituel, ha revé avis en tad spirituel pehani hun hondu : mæs assuret é, mar laquamp ol er soign hac ol er studi a beré hun ès compset, é berre amzer é profitehemp hilleih.
Ur merche assuret ag ur profit considerable é, a pe zalher er pratique ag en devotion, é drespet d’en dioustemant, d’er zéhour ha tihoeldæt a speret, é drespet d’er privation a beb douster ha consolation spirituel. Ur merche aral quen assuret é, a pe za d’er goal-inclination, feahet ma vai ha conduïet dré er ræson, bout hemb guellein mui parrat a bratiquein er vertuïeu rac èl ma hoanna, er vertuïeu e sonna hac e ourièn én inean. Raccé a pé ne santer mui nitra contrel na disordre er squiendeu, é eller laret é vér groeit doh er vertu ; ha sel mui a æsemant en dès un dein é hober actioneu vertuus, sel mui éma parfæt en accustumance ag en actioneu-zé.
Ne chonget quet neoah é oh arriue, bet ac er poent ihuel a santeleah, nac é oh deit gronce de bèn a hou coal-inclinationeu, rac a oudé pêl amzer, hac arlerh hilleih a gombatteu ne huès quet santet attaque erbet ; gouïet é vai liès én dra-man trompereah a du en diaul, ha finess a du en natur pehani en um ziguis eit un amzer. A vazé, dré un orgueil segret, é quemerer eit vertu er peh e zou én effet ur vice. Opèn mar sellet de béh pasèn a berfection é oh galhuet guet Doué, nezé deusto d’en nerh e huès laqueit eit arriue bet hi, hui hum gavou perpet forh pél doh-t’hi. Hui e zeli continuein hou exerciceu ordinær èl pé ne reheoh meit commance ou fratiquein, hemp yeinein jamæs, mæs é vout berpet gredus èl de gommance.
Hou pet chonge éma gùel d’un dein gober é bossibl de brofitein ér vertu, eveit d’examinein mar en dès profitet én hi ; rac Doué hemp quin pehani e hanàue hac e uèl er haloneu bet en don, e zizolo d’ur ré-benac er segret-cé, hac er huh doh er réral, revé ma ou gùél capabl d’en hum humiliein pé de dennein vanité a nehou ; ha dréno en tad mat hac abil-zé e lam guet er ré goannan en occasion a ou réuine, hac e ra d’er réral er moyant de gresquein e vertu. El-cé a bout ne uél quet un inean er profit e ra, ne zeli quet qùittat eit en dra-zé hé fratiqueu a zevotion, rac hi en hanàou a pé bligeou guet Doué er rein dehi d’hanàouet eit hé gùellan avantage.