| ◄ Ret é hum rejoueissein ag en ol occasioneu hun ès de gombatal, eit hur bout er vertuïeu, é special, er ré peré e zou er ré diæssan. | Penaus e eller pratiquein er memb vertu estroh eveit én un occasion. | Ag en amzer e zeliamp laquad eveit hur bout peb vertu, hac ag er mercheu ag er profit e dennamp a nehai. ► |
Er hombat spirituel/Chapistre 39
CHAPISTRE XXXIX.
Penaus e eller pratiquein er memb vertu estroh eveit én un occasion.
UÉLET e huès é unan ag er chapistreu diaraug éma hilleih gùel pratiquein durant un herrat amzer ur vertu hé hunan, eveit hilleih ar un dro, hac éma ér vertu particulier-zé é télier hum exercein sel gùeh ma hum bresante en occasion. Guélet breman guet peh un æsemant é ellehet er goher.
Arriue e rèi én ur memb dé, ha martezé én ur memb ær, ma vehet gourdrouset eit un action pehani nen dé quet droug, pé ma vou goal-compset a hanoh eveit un dra aral, pé na vou quet accordet deoh ur græce hou pou goulennet, ha ma vou refuset deoh én ur fæçon offançus, a bout nen dé meit ur bagatèl ; ma vou goal-chonget a hanoh ; ma vou réit teoh ur gommission disprisable benac ; ma vou cherviget deoh bouit fal aliget ; ma arriuou guenoh ur hlinhuet, pé ma hum gavehet én un taul disconfort édan er bouis a zrougueu aral hoah brassoh, èl ma ès un anfinité ér vuhé miserable man : émesq quement a hoal accidanteu, hui e èll pratiquein hilleih a vertuïeu differant, mæs eveit heliein er regle e zou bet reit teoh ar en dra-zé, profitaploh vou eveit oh pratiquein en hani a behani é cavou guenoh en e huès muihan dober nezé.
Mar dé er batiantæt-é, n’hou pou quin chonge meit d’andur guet courage ha guet joe ol en drougueu e ellou arriue guenoh. Mar dé en humilité, hui e chongeou, é creis hou ol poénieu, nen dès castimant erbet é èll bout ingal d’hou torfæteu. Mar dé en aboeissance, hui e rèi hou possible de soublein édan volanté un Doué pehani hou punisse èl ma velitet : ret vou memb pléguein a balamor dehou ha rac m’éma é volanté, non-pas hemp quin d’en dut, mæs hoah d’en treu aral peré, deusto n’ou dès na ræson, na buhé, e zou neoah benhueghér é justice. Mar dé er beuranté, hui e asséou bihuein coutant, a bout é veheoh ér vuhé-man é diannés a bep tra. Mar dé er charité, hui e rèi liessan ma ellehet acteu a garanté, é quever en nessan hac é quever en eutru Doué, én ur gonsiderein d’un tu e ra deoh hou nessan occasion de gresquein en nombre a hou meliteu, a pe ra léh deoh d’exercein hou patiantæt ; ha d’en tu-ral, a pé zegasse, pé ma permèt en eutru Doué ol en drougueu e anduret, éma eveit hou mat spirituel é.
Er peh e laran ag er fæçon ma ellet pratiquein én occasioneu differant er vertu pehani e zou necessæran deoh, e zisco deoh ar un dro é peh fæçon hum gomportein én ur memb occasion, èl én ur hlinhuet, pe én ur boén benac aral a gorf pé a speret.