| ◄ Ag en ardeu a beré en um chervige en diaul aveit achiue col er ré en dès laqueit de gouéhel ér péhet. | Ag en ardeu a beré en um chervige er goal-speret eveit miret conversion antier er rê peré é uélet er goal-stad ag ou houssiance, en dès un desir benac d’en hum gorrigein, ha petra sou caus d’ou desirieu mat manquein liessan. | Ag er ré e fari é chongeal querhet én hènt a berfection. ► |
Er hombat spirituel/Chapistre 29
CHAPISTRE XXIX.
Ag en ardeu a beré en um chervige er goal-speret eveit miret conversion antier er ré peré é uélet er goal-stad ag ou houssiance, en dès un desir benac d’en hum gorrigein, ha petra zou caus d’ou desirieu mat manquein liessan.
R ré e hanàu er goal-stad ag ou houssiance, hac e gârehai sorti a nehou, hum lausque ordinæremant de vout trompet guet en diaul pehani e ra é bossible de laquad én ou fèn en ou dès hoah hilleih a amzer de vihuein, hac é ellant hardeh mat turul termen d’ou honversion. Laquad e ra én ou isprit éma ret dehai de guetan pèn achiue er procès-man hac er procès, hum zibarassein ag en tregas bras é pehani émant ; hac a vihannoh éma impossible dehai hum rein a grén d’er vuhé spirituel, na pratiquein guet peah en deverieu anehi.
Ul lace é hannan é pehani é ès couéhet hilleih a dut, hac é pehani hilleih en hum gav louïet bamdé, mæs n’ellant turul er vrêl a guement-cé meit ar el lizidantet bras ou dès én un affær é péhani éma question a hou salvedigueah hac à hloër en eutru Doué. Peb-unan enta, é léh laret : Arhoah, laret : a hiriue, a vreman ; ha perac arhoah ? A goud e ran mé a me uélou en dé arhoah ? Mæs a bout é vehen assuret a guement-cé, a me salvedigueah e glasquehen-mé é turul termen d’ober penigen ? A de zouguein er victoér en em behai-mé hoant, doh um vlessein arré ?
Un dra assuret é enta, éma ret sentein pront doh en inspirationeu a ziarhlué eit évehat doh en drompereah-zé, ha doh en hani e zou merchet ér chapistre diaraug. A pe laran : pront, n’antandan quet desirieu simpl, resolutioneu goan ha séh-corn peré e drompe un anfin a dut, eit hilleih a ræsonieu ; er guetan a nehai é rac en desirieu hac er resolutioneu-zé nen dint quet diazéet ar en diffiance a hanomp hun hunan, hac ar er gonfiance é Doué ; hac arlerh éta d’en inean carguet ag un orgueil segret, hum zallein quement ma quemer aveit ur vertu sonn er péh nen dès meit en apparance a nehi. Er remed eit guellat d’en droug-zé, hac er splander eit en hanàouet, e za a vadeleah Doué pehani e bermet ma couéhehemp, a selfin ma tei demb goudé bout bet desquet hac instruget dré hun fauteu prope, tremenein dré er moyant-cé ag er gonfiance hon ès én hun nerh, d’en hani e teliamp hur bout én é hræce, hac ag un orgueil sontil-bras, d’un hanàuedegueah humbl a hanomp-ni-memp. El-cé er resolutioneu mat n’ellant bout pratiquus a vihannoh bout ferm ha dalhable, ha n’ellant bout ferm ha dalhable, a vihannoh en devout eit fondaison en défiance a hanomp hun hunan, hac er gonfiance é Doué.
En eil ræson zou rac a pe guemerer ur resolution mat benac, ne seller meit doh er vravité ha doh en excellance ag er vertu, pehani a nehi hé hunan e dèn er volantéieu er ré goannan, ha ne seller quet doh er poènieu e zou ret supportein eit en devout hi ; diavistæd hac e ra d’un inean lache coll courage ha quittat hé dessein a p’en hum bresante en distéran diæsemant. Rac-cé hum accustumet de sellet quentoh doh en diæsemanteu e gaver é clah gounid er vertuïeu, eveit doh er vertuïeu memb ; chonget liès é quement-cé ; ha revé en occasioneu e gouéhou, hum breparet eit sourrein ar nehai. Gouyet opèn penaus sel mui a gourage hou pou, pé eit hum feahein hui-memb, pé eit resistein doh en anemiset, sel mui en diæsemanteu e blænei hac e scannei, haval vou guenoh.
En dairvet ræson é, ma consideramp mui hun profit én hun resolutioneu mat eveit ne gonsideramp er vertu ha volanté Doué : er péh e arriue ordinæremant a p’en hum gavamb lein a gonsolation, é spécial én amzer a drebill. Rac a pe ne gavamb ér bed-man soulagemant erbet d’hun poénieu, quemer e ramp nezé er resolution d’en hum rein agrèn de Zoué, ha de laquad hun ol soign ha sourci de bratiquein er vertu. Eveit ne béhehemp quet ag en tu-zé, dihoallamp mat a abusein a hræceu en ean : bemp humbl hac ar hun goard én hun resolutioneu mat : nen hum lausquamp quet de vout casset guet ur gret diavis pehani hun solite rai bront d’ober gloestreu n’ellehemp quet accomplissein.
Mar domp én affliction, chongeamp hemp quin a zouguein erhat hun hroéz, revé m’ema volanté Doué, hac a laquad én hi hun gloër bet-ac refusein bep sorte soulagemant a berh en dut, ha guéhavé memb a berh Doué ; ne oulennamp, na ne zesiramp tra erbet, meit ma vehemp harpet guet dorn en ol-buissant én hun poénieu ; ha ma andurehemp guet patiantæt, dré er secour a é hræce, en ol trebilleu e bligeou guetou degasse temp.