Er hombat spirituel/Chapistre 28

Eus Wikimammenn


CHAPISTRE XXVIII.
Ag en ardeu a beré en um chervige en diaul aveit achiue col er ré en dès laqueit de gouéhel ér péhet.


A P’EN dès guellet en diaul douguein un inean d’er péhet, nen dès ard er bet a behani nen um chervige eveit hé dallein davantage, hac eveit distroein a hé chouge tout er péh e ellehai gober dehi guélet er stad malhurus é péhani éma. N’en dé quet hoah assès dehou mouguein er chongeu mat e ra Doué dehi, ha degasse dehi ré fal, ean e ra é bossible eveit hé ingagein én occasioneu dangerus, hac e stènn laceu dehi, eveit gober dehi couéh arré pé ér memb péhet, pé é réral brassoh, hac else faute a splander a ziarhlué, cresquein e ra muioh mui hé disordreu, hac ostinet é ha de vout. Hi en hum rudel elsé hemp cèss hac en hum strinq ag un dihoeldæt én un dihoeldæt aral, en ur bellat attàu muioh mui doh en hènt d’hé salvedegueah, hac en ur gresquein en nombre a hé fehedeu, meit ha Doué e zehai d’hé harpein dré ur secour extraordinær.

Er pressetan remèd doh en droug-zé é sentein prompt doh en inspirationeu divin peré hé galhue de retorn ag en dihoeldæt d’er splandér, hac ag er vice d’er vertu, ha crial guet ur gred nerhus : Ah ! men Doué, assistet-mé, deit pront d’em secour : ne bermettet quet ma chommein pelloh interret én amoleu ag er marhue hac ér péhet. Hi e larou liès er memés compseu pé réral haval doh-t’hai, ha mar dé possible, heèt de gavouet quenteh hé zat spirituel, eveit gouïet guetou petra gober, hac eveit goulen guetou armeu einep d’en anemis pehani a hoalzalh ar hé zro. Ma n’eèl quet monet d’er havouet quenteh, recoureèt doh er grucefi, en ur stouyein doh hé zreit er face doh en doar. Hi e bedou ehué guéhavé rouannés en ean hac e oulennou hé assistance, rac hi e zeli credein éma doh en ampertisse-zé éma staguet er victoér, èl m’er guélehemp ér chapistre arlerh hanan.