| ◄ Hilleih en hum drompe é quemer en dougeance aveit ur vertu. | Aviseu aral forh profitabl eveit en devout en difiance a hanomp hun hunan hac er gonfiance é Doué. | Ag en usage vat a buissanceu en inean, ha de guetan ret é ma vou en antandemant exampt a ignorance hac a guriosité. ► |
Er hombat spirituel/Chapistre 06
CHAPISTRE VI.
Aviseu aral forh profitabl eveit en devout en difiance a hanomp hun hunan hac er gonfiance é Doué.
EN dé gùir penaus ol en nerh hun nès eveit feahein hun anemis, e za ag en difiance a hanomp hun hunan hac ag er gonfiance é Doué, é han de rein aviseu aral forh profitabl aveit en devout er vertuïeu-zé.
De guetan enta laqueet peb-unan erhat en é isprit penaus a bout en devehai en ol donæzoneu naturel hac en ol scianceu a hent aral, a bout en devehai en hanàuedigueah ag er scritur santel, ag en eil pen d’éguilé, a boui en devehai rantet de Zoué er chervigeu er ré vrassan durant hilieih a vlaïeu, nitra ag en treu-zé ol ne èll gober dehou bout capabl d’accomplissein volanté Doué hac é ol deværieu, ma nen da dorn en ol-buissant d’er secour é péb occasion en hum bresante, pé de hober un œvre mat benac, pé de sourrein ar un tantation benac, pé de zonnet ér mæz ag un danger benac, pé de zouguein ur groez benac e zavaye er Brovidance dehou. Ret é enta durant ol é vuhé m’en devou chonge ag er uirioné-man, ha na hé ancohei jamæs ; ha dré er moyant-cé ean e bellei doh er vice ag er brésomption, ha ne gredou quet hum fiein én é nerh guet rai a hardehtæt.
Mæs aveit en devout ur ferme confiance é Doué, ret é en dout ur greden ferm hac assuret é hèll feahein pep sorte anemiset, bet bras pé bihan en nombre a nehai, bent-i criue ha duah mat, pé goan hac hemp experiance, ne vern quet. Raccé a bout e vehai carguet un inean a behedeu, a bout en hé devehai laqueit hé fossible eit distrugein hé fal deicheu ha pratiquein er vertueïu hemp profit er bet, a bout en hum santehai a zé de zé douguetoh d’en drouc é leh avance ér berfection, ne requehai quet eit en dra-zé manquein a gonfiance é Doué, na col courage ha lezel é exerciceu spirituel : é contrel hi e requehai bout gredussoh eveit jamæs ha gober hoah é fossible eit pellat en anemis.
Rac én ur gombat er sort-cé un dein e zougue perpet er victoér, a p’en dès calon assès eit derhel mat ha laquat é ol esperance é Doué, a behani er secour ne vanque jamæs d’er ré e gombat eveit hou, deusto ma permet liès a hueh ma receüant ur blesse benac ér hombat. Ret é enta combattal bed er fin, hac ino é éma staguet er victoér. En hani e gombat eit chervige en eutru Doué, hac e laqua én hou hemp quin ol é gonfiance, henneh e gav perpet d’er goulieu e receu ur remed prompt hac e uella dehai, hac a pe chonge bihanan, é oél é anemis doh é dreit.